Odüdes da defora á les Dolomites dî albü l’impresciun de n’ester nia azessibles. Al n’é porchël nia da se fá demorvëia che al editur (spezialisé sön guides de iade) John Murray ai dënz de n aligator. Chi che les odô por le pröm iade nen restâ afasciná.
Ingrid Runggaldier cöi adöm te so liber “Gezahnt wie der Kiefer eines Alligators. Was Reisende über die Dolomiten schrieben” estrac fora dla leteratöra mondiala, sciöche fora de raporc de iade, lëtres y diari che cunta l’entusiasm dla descurida dles Dolomites. En ocajiun dla presentaziun dl liber tl Museum Ladin Ursus ladinicus a San Ciascian en jöbia, ai 23 de ma dales 17:00, cunta l’auturia, en dialogh cun Elide Mussner, de süa inrescida sura la vita de scrituries y scriturs che á vijité les Dolomites. Tres la letöra podarán incunté pioniers y pionieres che á “descurí” y esploré les Dolomites, inoms sciöche Josiah Gilbert y George C. Churchill, Amelia Edwards o Karl Baedeker y alpinisć y alpinistes sciöche Emil Zsigmondy, Leone Sinigaglia y Jeanne Immink, la fondadëssa dl’arpizada moderna feminila.
Ingrid Runggaldier é trasladëssa y se dá jö cun lingac y leteratöra comparada, stüdi feminins, inrescides de mendranzes, sciöche ince la storia dl turism y dl’alpinis.
L’entrada é debann y gnará tigní ti lingac ladin, todësch y talian.