Le Museum Ladin Ursus ladinicus é gnü inauguré de messé dl 2011 a San Ciascian tla Val Badia y al é dediché ala laurs preistorica di andri y ala geologia dles Dolomites. Te n fabricat nü de trëi alzades se destënn fora la mostra sön la storia y l’ambiënt de vita dles laurs di andri, che viô dan da plü de 50.000 agn y i fossii dles Dolomites.
N iade tl tëmp
Tl museum Ursus ladincus gnarál cunté la storia afascinanta dla laurs di andri, n tier erbivor che podô pesé cina a 1.200 kg. De dërtes families de chisc gragn tiers se lasciâ jö da plü de 50.000 agn tl ander de Conturines, che é feter a 2.800 metri de altëza. L’ander de Conturines é conscidré le sit plü alt al monn olache al é gnü ciafé laurs y liuns di andri.
L’ander de Conturines é na testemonianza dla storia climatica dl passé y atuala dles Dolomites. Descuride deplü sön la contrada da munt incër San Ciascian ia y gnide lassura porciodí che al foss sté plü oportun, dan da zirca 230 miliuns de agn, da s’armöre plütosc cun na brëia da surf co cun n snowboard.
Cost dles chertes, orars de daurida y informaziuns importantes
- Cost dles chertes
Porsones adultes
Ciastel de Tor: 8,– €
Ursus ladinicus: 6,– €
Cherta familia
(2 porsones adultes + mituns / mitans cina 16 agn)
Ciastel de Tor: 16,– €
Ursus ladinicus: 12,– €
Cherta familia mini
(1 porsona adulta + mituns / mitans cina 16 agn)
Ciastel de Tor: 8,– €
Ursus ladinicus: 6,– €
Mituns y mitans
- I mituns / Les mitans cina 6 agn pó jí ite debann
Prisc arbassé
(studënc/studëntes cina 27 agn, jënt vedla, grups sura 15 porsones, porsones cun dejabilité)
Ciastel de Tor: 6,50 €
Ursus ladinicus: 4,50 €
Classes
- €2,– por studënt/studënta + €1,– por vigni ativité didatica
- Orars de daurida
Ciastel de Tor
1. de ma–1. domënia de novëmber
Ursus ladinicus
1. de ma–1. domënia de novëmber
- Zënza barieres
Porsones cun dejabilité é de cör bëgngnüdes te nosc museum. I se porvun da Ves pité na vijita al museum tan plajora che i sciafiun. Deache le Museum Ladin Ciastel de Tor a San Martin é n ciastel medieval, él baldi da podëi jí ite te püc locai cun le scagn da rodes. Les mostres temporanes tla strotöra nöia dl comples pó bëgn dötes gní vijitades zënza problems cun le scagn da rodes. I salamënc dl Museum Ladin Ursus ladinicus é düc azessibli cun le scagn da rodes.
- I tiers ne pó nia ite
Al nes desplej da messëi informé che cians y d’atri tiers ne pó nia ite te nosc museum porvia de nüsc esponac y ince porvia di vijitadus / dles vijitadësses. Tles lercs davertes y tl frabicat nü (café, mostra temporana) é i tiers invers bëgngnüs. I Ves rengraziun por Osta comprenjiun y i nes confortun sön Osta vijita.
Museum Ladin
Ursus ladinicus
Str. Micurá de Rü 26
39030 San Ciascian
Mostres
La storia dla laurs di andri Ursus ladinicus
Tla mostra permanënta vëgnel metü fora osc, dënz y ces dla sotsort dla laurs di andri, conesciüda sciöche Ursus spelaeus ladinicus en onur dles ladines y di ladins.
Istalaziuns video afascinantes, n schelet intier de laurs di andri y la reproduziun tl detail de na mandla de laurs de Ursus ladinicus cun so pice, arichësc le percurs museal. La beliscima coleziun de fossii spliga les tapes fondamentales dla formaziun di “Crëps Stlauris”, chël ó dí dles Dolomites.
Impresciuns
Sides tl Ciastel de Tor co ince tl Ursus ladinicus y implü tles vijinanzes incëria, vëgnel regolarmënter tigní manifestaziuns entusiasmantes y vijites acompagnades informatives. I vijitadus/les vijitadësses á l’ocajiun da conësce la storia y la cultura dla regiun te na manira plajora.
Le MusLa trasformëia les escurjiuns acompagnades y les spazirades te na esperiënza naturalistica emozionanta y te na destinaziun ideala por les jites, olache la natöra vëgn descurida da na prospetiva plü coscienziosa. Tres iniziatives particolares, vijites acompagnades y esposiziuns temporanes desvalies, cheriunse n lian cun tematiches atuales.
Le Museum Ladin Ciastel de Tor y le Museum Ladin Ursus ladinicus á na botëga, olache al é da ciafé libri, recordanzes y produc tipics dl artejanat local.
