La gran tor ospitëia al intern la scoltöra “Fallender”: n corp sospenü te na strotöra realisada cun ros da gherist. La figöra de brom é öna dles sis realisades tl 2013 dal artist por le ziclus “Conditio Humana”. Sciöche le titul dla seria dá dant, rapresentëia le laur l’esistënza en ecuiliber danter forza fisica, limitaziun, soportaziun y zedimënt.
“La porsona te sües cualités, destinades a se desfá. Ince sce la vita é temporana y cun poscibilité de fal, le dejier por süa perfeziun é la nasciüda de n prinzip alt.” – Lois Anvidalfarei
Chësc elemënt artistich y architetonich nü se confrontëia cun la tor dl corp prinzipal dl Ciastel de Tor. Surapró se relazionëia Tor (Fallender) te n dialogh strënt cun la contrada naturala y inviëia ite idealmënter ala SMACH Val dl’Ert, le tru mët man chiló dlungia y condüj ala descurida de passa vint operes d’ert metüdes sö danter bosch y sperses lëdies.