cantus iuvenis cun Nadia Rungger – Identité danter lingac

cantus iuvenis é n cor de Viena che cianta leteratöra por cor classica y moderna, a deplü usc sciöche ince a cappella. Ai impara ite y se dá jö dassën cun la musiga y le lingaz ladin. Le cor, metü adöm da incër 50 ciantarines y ciantadus, é gnü metü sö tl 2003 da André Comploi y é dal 2020 incá sot la direziun musicala de Mathias Crazzolara.

Nadia Rungger é na poetëssa y scrituria, *1998, viv te Gherdëina/Südtirol. Si liber Das Blatt mit den Lösungen. Erzählungen und Gedichte (Cësa editëura A. Weger) ie unì publicà tl 2020. De plu pesć letereres per cunties y poejies per tudësch y ladin, n ultima l pest dla giuria dl pest leterer Irseer Pegasus dla Schwabenakademie 2024, l pest leterer dl Südtiroler Künstlerbund 2024 y l stipendium Lichtungen-Lyrik-Stipendium dl Land Steiermark 2024. Si prim teater Morvëies ie unì reprejentà tl cheder dl proiet europeich phōnē y n cunlaurazion cun l Stadttheater Bruneck. Publicazions te zaites letereres, danter l auter LICHTUNGEN y Kulturelemente, proiec y cunlaurazions, mostres letereres cun poejia, danter l auter tl museum Franzensfeste. Muderazion dla trasmiscion tl radio Nëidies de ert y leteratura sun Rai Ladinia. 

Le titul dla manifestaziun é “Identité danter lingac” y doss ester na cornisc por la musiga y la poesia multilinguala che gnará portada dant tratan la serada. Le publich vëgn invié da ponsé sura sön chestiuns che reverda le lingaz y l’identité: La tematica che acompagnëia la sëra é lingaz y identité: Co influenzëia pa le lingaz nosta identité? Depënn pa nosta identité da nosc lingaz dla uma? Co pó pa se mudé chësc tratan nosta vita? Sura chëstes y d’atres domandes inviëia la manifestaziun a ponsé dô.

Le bar é davert.

Entrada gratis