Atelier creatif: Gherlandes de ciüfs de peza cun Teresa Moling

Fá gherlandes de ciüfs por les festes é da dagnora stada na bela tradiziun – anfat sce cun ciüfs reai, de cëra o de stagnol. Man man che le savëi jô a perde y le tëmp gnô tres demanco, é i ciüfs de cëra gnüs sostituis cun chi de peza. Anfat sce por la Pröma Santa Comuniun, la Festa dl Cör de Gejú o por les Antlés  –  te chësc curs ëise l’ocajiun da podëi imparé da ves pastené na bela gherlanda tradizionala.