mostra & aperitif – THERMOS

Ince en chësc ann organisëia le Museum Ladin i evënc “mostra & aperitif”. Do la vijita menada cun un paleontologh tla mostra temporana Countdown to Mass Extinction?, sona le grup musical THERMOS che acompagna le publich pro n aperitif.

16:00 – 17:00 Führung in deutscher Sprache (10€ inkl. Museumseintritt)
17:00 – 18:00 visita guidata in lingua italiana (10€ entrata nel museo incl.)

18:00 – 20:00 aperitif cun musiga

“Thermos” á inom la formaziun de döes musizistes y n musizist – ara se trata de Magdalena Oberstaller, Theresa Falkensteiner y Jonas Oberstaller. Cun trëi usc, na vidora, n sintetisadú y na chitara se lascia Thermos ite te n monn sonur che coliëia componëntes eletroniches, efec y monns sonurs nüs. L’atenziun é conzentrada sön toc a trëi perts y sön schems armonics che müda y che se reinvënta dal punt d’odüda ritmich tres indô danü. Tl stil se posizionëia Thermos tl monn danter le elecrtopop y le soft house, mo danterite se moscëdl ince elemënc gospel y blues.Na esperiënza musicala danter tradizional y reinterpretaziun.

Thermos: Magdalena Oberstaller (Voies, vidora) // Theresa Falkensteiner (Voies) // Jonas Oberstaller (Voies, sintetizadú, eletronica)