Dan zirca 252 miliuns de agn gaujâ de grandiscimes eruziuns vulcaniches tla Siberia na catastrofa climatica che á porté a na estinziun de massa. Co se á pa remetü la vita dedô? Co s’á pa adaté i organisms al ambiënt cialt y püre de ossigen? Y ponsan a le fat che  l’umanité sciüra incö fora plü anidrida de carbonium co i vulcans siberians ai tëmps dl’estinziun de massa: Co influenzëia pa nosc comportamënt la biodiversité y ci pó pa vignöna y vignun de nos fá por smendrí les emisciuns por porté pro a n dagní plü sostenibl?

Respostes a chëstes domandes ciafun tla mostra “Countdown to Mass Extinction?” tl Museum Ladin Ciastel de Tor a San Martin de Tor. La mostra vëgn inaugurada en vëndres, ai 14 de jügn dales 18:00 tl Museum Ladin Ciastel de Tor, Strada Tor 65, 39030 San Martin de Tor.

Ince presënc sará l’assessur por la cultura ladina Daniel Alfreider, l’assessur di museums Philipp Achammer, l’ombolt da San Martin de Tor Giorgio Costabiei, la direturia dl Museum Ladin Katharina Moling y le curadú dla mostra Herwig Prinoth.