En ocajiun dl ann dedich\u00e9 ai jogn da pert di museums provinziai de S\u00fcdtirol, \u00e0 le Museum Ladin met\u00fc a j\u00ec dai 14 ai 20 de for\u00e0 2015 en workshop por jogn olache an pod\u00f4 m\u00ebter ad\u00f6m en videospot cun l\u2019ai\u00fct de esper\u0107 \u2013 profesionis\u0107. L\u2019idea de basa \u00ea ch\u00ebra de motiv\u00e9 i jogn da laor\u00e8 impara pro en proiet se d\u00f2n j\u00f6 cun le conten\u00fct dl museum, tartan so\u00a0 t\u00ebmp l\u00ebde y nia tres en proiet cun les scores. La sfidada \u00ea ch\u00ebra de motiv\u00e9 i jogn y les jones a gn\u00ec tl museum, se d\u00e8 j\u00f6 cun les tematiches dl museum y les aprofond\u00ec. Por realis\u00e9 en te proiet \u00e0 la direziun dl Museum Ladin met\u00fc j\u00f6 en conzet che tol\u00f4 en conscideraziun i \u00a0fins dl proiet enst\u00ebss, \u0107iaran de adore en lingaz che \u00e9 adat\u00e8 ai jogn a na maniera che ai se s\u00ebntes stimul\u00e0 a fa impara. Insci\u00f6 \u00e9 nasci\u00fcda l\u2019idea de lasc\u00e8 realis\u00e9 da \u00ebi inst\u00ebsc videspots s\u00f6n le museum, se nuzan di mesi d\u2019aldedanc\u00f6 sci\u00f6che les drones, imparan a con\u00ebsce les tecniches dl retlam, emparan a ador\u00e8 na camera digitala, le statif y \u0107iaran de cap\u00ec sci\u00f6che i retlams \u00e9 bugn da tr\u00e0 l\u2019atenziun da pert de chi che i c\u00ebra. D\u00f6t le proiet \u00e8 gn\u00fc a s\u2019l d\u00e8 dilan a na colaboraziun cun le Sorvisc ai Jogn dla Val Badia che \u00e0 organis\u00e9 d\u00f6tes les prenotaziuns\u00a0 y fajon al sav\u00ebi ai jogn de ch\u00ebsta inizativa. De gran ai\u00fct \u00e8 st\u00e0 i esper\u0107 ti \u0107iamps che reverda le film, le retlam, i d\u00ebr\u0107 de autur, le\u00a0 manaj\u00e8 les drones y i.i..<\/p>\n
I fins che an or\u00f4 arjunje \u00ea da \u00f6na \u00a0na pert mostr\u00e8 tan zitia che la cuestiun di d\u00ebr\u0107 de autur \u00e9, co ador\u00e8 certes images, file audio o musighes, pons\u00e0n al cajo de or\u00ebi publich\u00e9 ufizialm\u00ebnter tres i social media sci\u00f6che facebook, twitter, youtube y ater. La pert giuridica \u00e9 gn\u00fcda spligada avisa dal jornalist dla Rai y iurist Silvano Ploner. Les infurmaziuns ne ti \u00e0 nia ma ogh\u00e9 ai jogn por le proiet, mo dandad\u00f6t ti sar\u00e0l de \u00fctl canche ai \u00f3 ador\u00e8 material da publich\u00e9 tres i \u201csocial media\u201d \u0107iod\u00ec che ai \u00e0 p\u00f6d\u00fc se r\u00ebnder cunt te ci prighi che an podess rov\u00e9 sce an ne se t\u00ebgn nia ales regoles. La pert tecnica \u00e0 met\u00fc man cun en aprofindim\u00ebnt teorich y pratich s\u00f6n les drones. Ince les drones ne pon nia ma ador\u00e8 sci\u00f6che an \u00f3, mo an m\u00ebss se tegn\u00ec a pl\u00fc normes che taca ad\u00f6m ala autorisaziun dl ENAC (\u00ebnt nazional por l\u2019aviaziun zivila), mo in\u0107e ales leges s\u00f6n la privacy. La Firma Ebner Visual, \u00f6na dles p\u00fcces te nostra provinzia che \u00e9 abilitada a f\u00e0 en te la\u00fbr, ti \u00e0 spo mostr\u00e8 ai jogn partezipan\u0107 i mesi che ch\u00ebsc pice jolier nes p\u00eeta sce orun \u00a0t\u00f3 s\u00f6 i filma\u0107 cun drones. Inant \u00e9ra j\u00fcda cun la videografica y analisa de sci\u00f6che i retlams \u00e9 strutur\u00e0. L\u2019espert de ch\u00ebsc \u0107iamp Hannes Pasqualin, \u00e0 mostr\u00e8 s\u00f6n la basa de en valg\u00fcgn retlams sci\u00f6che chisc \u00e9 strutur\u00e0 avisa do a en model tler a na man\u00ecera che an sides bugn de t\u00f3 s\u00f6 y se record\u00e8 le contegn\u00fc dl filmat. Degun cheder, foto, scrita, cor\u00f9 o ater che v\u00ebgn dant ti filma\u0107 \u00e9 a cajo, vigni secu\u00ebnza \u00e9 studiada y t\u00ebgn cunt de sci\u00f6che les porsones l\u00ee les images. Tres ch\u00ebsta unit\u00e9 didatica \u00e0 i jogn impar\u00e8 tan che i retlams \u00e9 bugn de manipul\u00e9 la persona. Do ch\u00ebstes informaziuns se trat\u00e0ra de laur\u00e8 concret cun les cameres y m\u00ebte ad\u00f6m inst\u00ebsc en retlam. Por film\u00e9 \u00e9l gn\u00fc cherd\u00e8 adalerch Ingrid Demetz de Santa Cristina che \u00e0 fat la scora de film Zelig y che te na prima fasa ti \u00e0 insign\u00e9 ai jogn co t\u00f3 s\u00f6 en video, sci\u00f6che an scri en libretto por film\u00e9 y sci\u00f6che la secuenza di chedri alda da ester te n filmat. Te grupes se \u00e0 spo i jogn d\u00e8\u00a0 j\u00f6 cun le conzet de ci che \u00ebi \u00f3 mostr\u00e8 dl museum, sci\u00f6che an podess tr\u00e0 jogn tl museum por che la strutura museala che \u00e8 tl Ciastel de Tor \u00a0ti sais interessanta. Canche ch\u00ebsta pert \u00e9 stada rovada, an met\u00fc man da film\u00e9. En d\u00e9 entier \u00e9l gn\u00fc tut s\u00f6 filmac dai grups sci\u00f6che \u00ebi se \u00e0 met\u00fc ad\u00f6m, \u00a0ded\u00f4 gn\u00f4 chisc filmac tai\u00e0. Per tai\u00e9 an pod\u00fc se nuz\u00e9 dl Ufize di films y media dla provinzia ulache le colaorad\u00f9 Konrad Faltner ti \u00e0 ensign\u00e9 da ador\u00e8 le program. Le ultim d\u00e9 se trat\u00e1ra \u0107iam\u00f2 da laor\u00e8 s\u00f6n le audio. Por arich\u00ec i videospots cun musiga, y in\u0107e por ti d\u00e8 les informaziuns de basa sci\u00f6che an po t\u00f3 s\u00f6 profescionalm\u00ebnter le audio o na musiga y la ador\u00e8 pro en filmat, \u00e9l gn\u00fc cherd\u00e8 adalerch Benedikt Valentin de Badia. Deboriada cun i jogn \u00e0 Benedikt tai\u00e9 pro chi t\u00f2c\u00a0 de musiga che i jogn arat\u00e2 che foss le pl\u00fc adat\u00e0 por so proiet.<\/p>\n
Le Museum Ladin y le Sorvisc ai Jogn rengrazia d\u00fc\u0107 chi che \u00e0 daid\u00e9 para pro le proiet, d\u00fc\u0107 i relad\u00fbs y samb\u00ebgn d\u00fc\u0107 i jogn y les jones che a fat para y \u00e0 realis\u00e9 i beliscimi filma\u0107 strutur\u00e0 s\u00f6n ch\u00ebres infurmaziuns che \u00ebi \u00e0 \u0107iaf\u00e8 tartan d\u00f6ta \u00a0l\u2019edema pro le workshop. I filma\u0107 de Aaron Nagler, Jonas Nagler, Anna Miribung, Rudi Tolpeit, Hannes Engl, Thomas Valentini, Alexander Tirel, Diana Castlunger Prousch y Giulia Gortan gnar\u00e0 tosc met\u00fcs s\u00f6n la plata facebook dl Museum Ladin.<\/p>\n
<\/p>\n
>\u00a0Clip de Rudi, Aaron, Jonas, Anna<\/a><\/strong>
\n>\u00a0Clip de Diana y Giulia<\/a><\/strong>
\n>\u00a0Clip de Alexander, Hannes, Thomas<\/a><\/strong><\/p>\n","protected":false},"featured_media":0,"template":"","projektkategorie":[55],"class_list":["post-6576","projekt","type-projekt","status-publish","hentry","projektkategorie-archivierte-projekte"],"acf":[],"yoast_head":"\n