Te chësta mostra presentëia Elisa Rungger por le pröm iade sües operes te na mostra personala tla Val Badia, iló olache ara é nasciüda y chersciüda sö. Por l’artista ó chësc dí indô rové derevers te süa inciasa y al é porchël n momënt particolarmënter personal de süa cariera.
La cerna di laurs metüs fora é tignida aposta ampla y tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup artistich dl dagní.
Rungger vëiga sües operes sciöche danterlercs: posć de perzeziun che ne definësc nia de definitif, mo che mostra realtés en movimënt: monns d’imajes, olache i confins se desfantëia y i significac se sposta.
– – –
Durada dla mostra: 18.07 – 27.09.2025
Orars de daurida: Me – Do, 10:00 – 18:00
Prisc d’entrada: corespogn al ticket dl MusLa Ciastel de Tor
